Vijali Na Chamkare | વીજળીના ચમકારે – by Gangasati

મેરુ તો ડગે જેનાં મન ના ડગે, મરને ભાંગી પડે બ્રહ્માંડજી;

વિપત્તિ પડે તોય વણસે નહીં, સોઈ હરિજનનાં પ્રમાણજી.

ચિત્તની વૃત્તિ જેની સદાય નિરમળ,

ને કોઈની કરે નહિ આશજી;

દાન દેવે પણ રહે અજાચી

રાખે વચનમાં વિશ્વાસ રે જી – મેરુ

હરખ ને શોકની આવે નહિ હેડકી,

આઠ પહોર રહે આનંદજી,

નિત્ય રે નાચે સત્સંગમાં ને

તોડે માયા કેરા ફંદજી – મેરુ

તન મન ધન જેણે પ્રભુને સમર્પ્યા,

તે નામ નિજારી નર ને નારજી,

એકાંતે બેસીને આરાધના માંડે તો,

અલખ પધારે એને દ્વારજી – મેરુ

સતગુરુ વચનમાં શૂરા થઈ ચાલે,

શીશ તો કર્યા કુરબાન રે,

સંકલપ વિક્લપ એકે નહિ ઉરમાં,

જેણે મેલ્યાં અંતરનાં માન રે – મેરુ

સંગત કરો તો તમે એવાની કરજો,

જે ભજનમાં રહે ભરપુરજી,

ગંગાસતી એમ બોલિયાં,

જેને નેણ તે વરસે ઝાઝાં નૂરજી – મેરુ

ભગતિ કરો તો એવી રીતે કરજો પાનબાઈ!

રાખજો વચનુંમાં વિશ્વાસ રે,

ગંગાસતી એમ બોલિયાં

તમે થાજો સતગુરુજીના દાસ રે – મેરુ

– ગંગાસતી